منتدى طيف الزهراني الرسمي
حللـﭞ أهلآً .. ﯛﯛطئـﭞ سهلآً ..
يآهلآ پـڪ پين أخـﯛآﭠـڪ ..
آن شآء آللـﮧ ﭠسمـﭠξـيَ مـξـآنآ ..
ﯛﭠفيديَ ﯛﭠستفيديّ مـξـآنـآ ..
ﯛپآنـﭠظآر مشآرگآتـﭠـڪ ﯛآپدآξـآﭠـڪ ..
ســξـدآء پـﭠﯛآچـدڪ مـξـآنآ .. ﯛحيـآڪ آللـﮧ


نورتينآ يا زائر بـطلتكـَ الحلوهـَ
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رواية كلي لها وماملك قلبي غيرها رومنسية وكاملة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
shhad
مَرٍـآقبـَﮧ ©
avatar

المساهمات : 424
تاريخ التسجيل : 15/05/2012
العمر : 18
الموقع : -

مُساهمةموضوع: رد: رواية كلي لها وماملك قلبي غيرها رومنسية وكاملة   الخميس يونيو 07, 2012 6:25 am

¨°o.O (الجـــــــــــزء التــــــــــاســـــــع ع ـــــشـــــــــــر) O.o°¨

** ** ** ** ** ** **



/
\
/
\
/
\
/
\
/
\
مشو كل العوايل لبيوتهمممم
وانتهـــــــــــــــــى هــــــــــــذا اليووووووووم
وأنطـــــــــــوت صفحــــــهة المــــــــــزرعـهـ
بكــــــــــل اللـــــــــي صـآآآآآآر فيهااااا
لاكــــــــــــن يــــــــآآآآآآترى بتنعــــــــــــآآآآآآآآد

وللأحســـــــــن ولا للأســــــــــــوى

اللـــــــــــــــــه وأعلـــــــــــــــــم
/
\/
\
/
\اليوم الثاني
"الصبح الساعه 9 صباحاً"

"بيت أبو خالد"

كانت جنى بغرفتهااا وتكتب في دفتر خواطرها
ونقشت هذهـ السطو بحزن غميق يغطي ملامح طفولتهااا
********************
"الآ أياهاا القدر ماذا جلبت لي وماذا ستجلب
حزناً وعشته ويتم وعشته وفرحاً انسرق
من الطفوله بكيت كثيراً وسأبكي أكثر
ولاكن ماااذا بعد الم يأتي الوقت ليذهب
ويتلاشى كل هذا الم يأتي الفرح ليسرقني الى عالمه
ويذهب بي لعالم جميل مليئ بكل الأماني
والحب مليئ بمن أحبهم ويحبوني الم يأتي
آآه كم تعبت وسأتعب ولاكن ماذا عســآني
أن أقول غير سأنتظر ولاكن لا أدري ماذا سيخبي لي القدر
من أقدااار لعلهاا تكون سعيدهـ ومفرحهـ"


"من كتباتي أنا الكاتبه عذوب الغلا"

سكت دفترهااا على صوت مرت عمهاا تناديها

خبت بسرعه الدفتر تحت مخدتهاا وطلعت من غرفتها وراحت ركض على الدرج ونزلت كم درجه ووقفت
جنى:نعم ياعمه
ام خالد وهي واقفه أسفل الدرج وحاطه يدها على خصرها وبعصبيه:ساعه انادي بسرعه شيلي الزباله<<الله يكرمكم >>ووديهااا في برميل الزباله برى بسررعه وارجعي حطي لي فطوور فاهمه
جنى وهي نازله:انشاء الله

توجهت للمطبخ وشالت الزباله وربطتها زين وحطتها عند باب المطبخ وطلعت لبست عبايتهااا وطرحتهااا وشالت كيس الزباله

وحطته عند باب البيت اللي في الحوش وعطت وجهها بالطرحه وربطتها<<عشان ماتطير من الهوا>>

وفتحت الباب وشالت الكيس ومشت كم خطوه لين وصلت لبرميل الزباله الكبير ورمته وهي راجعه لفت انتبهاهاا سياره همر

ناظرتها وشافتها وهي تبعد لطريق ثاني "جاء في بالهااا فارس"
جنى في نفسها:يالله مثل سياره فارس بس فارس لونها ابيض وذي اصفر يالله وينك يافارس مدري ياترى بشوفك ولالا دعت له بداخلهاا<> رغم انهاا ماتعرفه لاكن حلو تدعي لشخص غايب
عنك حتى لو ماكان يعتبر لك شي لاكن ياترى جنى يعتبر فارس بالنسبه لها شي ولا ولاشي<>

دخلت البيت وسكرت الباب وفضخت عباتها وطرحتها وودتها غرفتها ونزلت تصلح فطور لمره عمهااا

/
\
/
\
/
\
/
\
/

في جهه ثانيه وعالم ثاني

كان في مكتبه ومشغول بتوقيع الملفات والأوراق الل قدامه
وقع آآخر ملفين في يدهـ وسكرها ورمآآها في الدرج اللي كان مفتوح وقفل الدرج وسند راسه على الكرسي الفخم اللي من الجلد وغمض عيونه

فتح عيونه على صوت الباب اللي يدق بدقه حافظها زين أبتسم وهو يقول:تفضل
دخل تركي بأبتسامه وجلس على الكرسي اللي قدام المكتب:اخبارك
فارس:ماشي الحال وانت
تركي:تمام ها كيف الشغل
فارس:توي خلصت الملفات ذي وابوي يول مافي طلعه لين الساعه12
تركي:هههههه ياحليله عمي تدري وش سويت عشان طلعت
فارس وهو عاقد حواجبه:شنو
تركي:ههههههههههه قلت لأبوي بروح اجيب حبر للطابعه اللي في مكتبي في أوراق مهمه لازم اطبعها والحبر خلص
قال طيب اطبع من طابعة السكرتير
قلت له لا يبى طابعة السكرتير ليزر
قال اجل روح ولاتتأخر
فارس:هههههه والله منت بصاحي ومتى طلعت
تركي وهو يحط رجل على رجل:من 8 الصبح ورحت لعبدالله القهوة وسولفت معاه شوي وجيتك
فارس بنذاله وهو يحط يده على جواله:اللحين بكلم عمي وأقول تركي عندي
قام تركي ومسك يده:لالا تكفى والله يذبحني
فارس:ههههههه تستااهل أجل دور لي طريقه أشرد فيها من أبوي
تركي وهو يبعد الملف من على الطاوله ويجلس:عادي أروح أقول له ابغى فارس يروح معاي ويطلعك
فارس:لاوالله اقول قوم اقلب وجهك عاد بيطيعك ابوي يالله فارق خلني اخلص باقي اشغالي واطلع قبل الساعه 12 طفشت
تركي وهو يقوم:مالت هذا جزاي اروح الشركه أفضل
فارس:هي لاتنسى بكره موعد جمعة الشباب بالأستراحه بس وين موقعها يقولو بيطلعو أستراحه جديده
تركي:خلاص امرك ونروح سوا
فارس:انت اي ساعه بتروح
تركي:على 9 كذا
فارس:لا انا امكن 11 الحقكم عشااان مواعد فهد اطلع معه
تركي:خلاص ننتظرك على العشاااء
فارس:اوكي
تركي:يالله مع السلامه
فارس:مع السلامه وبطل بكش على عمي ولا بعلمه
تركي وهو ماسك باب المكتب:والله تسويها ياولد محمد
وطلع وسكر الباب بقوه وراه

وفارس يضحك عليه

******************************

على الساعه10

"في بيت أبو تركي"

نزلت بسرعه من على الدرج وهي تلف الطرحه على شعرهااا

قابلت غلا
غلا:هي هي وين رايحه
مها:بروح بيت جدي
غلا وهي عاقده حواجبها بأستغراب:بهالوقت ليه
مها:جدي دق وقال يبغاني
غلا وأستغرابها زاد:وش يبغى
مها:مدري يالله تشاااو
وطلعت وقفلت الباب وراها

وقفت عند باب فلتهم ورمت الطرحه على وجهها ومشت لين وصلت بيت جدها الملاصق لبيتهمم

وهي داخله سمعت صوت سياره وراها لفت شافت سياره بيت عمها أبو فارس والسواق اللي يسوقهاا

شافت بنت نزلت منها وهي لافه الطرحه بأهمال على وجهها قربت منها وعرفتها مها أنها حلا
مها:حلا وش جابك
حلا:ههههه مدري كيفك

وسلمو على بعض

مها:وش السالفه
حلا:لايكون انتي بعد طلبك جدي
مها:اي وانتي بعد
حلا:اي أمشي الحماس زاد عندي بعرف وش يبي
مها:قصدك القافه
ضربتها حلا على كتفها:حمارهـ بطلت اللقافه
مها بنص عين:من متى ياحظي "ودقت الجرس"
حلا:مايخصك

فتحت الشغاله ودخلو البنات
حلا:اقول وين جدي
الشغاله:في صاله كبير<<في الصاله الكبيره
دخلت مها وحلا وشافو جدهم جالس مع جدتهم ويسولفون
ويوم انتبه لدخلوهم تكلم:هلا والله ببنياتي نور البيت
حلا:منور فيكي جدوو وسلمت على راسه وبعدهاا مها وسلمو على جدتهم اللي حظنتها حلا لين مافكتها منها مها
مها:خنقتي جدتك
ام أحمد:هذا مو سلام بغيتي تذبحيني
حلا وهي تحط الخداديه بحظنها:وش أسوي أحبككك ياجده
مها:اقول اهجدي اي يبى وش تبغى فينا طلبتنا كذا فجأه
شال جدهم الكيسين اللي جنبه وعطا واحد مها وواحد حلا
مها بأستغراب:وش هذا يبى
الجد:هذا اللي تبغوه
حلا وهي تفتح الكيس وتطلع الكرتون وبفرحه:وااااااااي جوال يسلمو جدو
مها وهي تناظر الجوال اللي لونه وردي:واااي روعه ياجدي مشكور وقامت وحبت راسه وحلا بعد
حلا:أشوف مها مثل حقي
الجد أبو أحمد:اي مثل بعض عشان ماتتهاوشون
الجده:وهو صادق جدكم بسكم مناقر
حلا بزعل:ماتزاعلنا ياجده
شوي دق الجرس وبعده بثواني دخلو ولدين

طلال ونواف:السلام عليكم
على طول مها رفعت طرحتها وغطت شعرها
وحلا يوم شافت نظرات نواف لها عرفت يعني غطي شعرك وغطته ولأول مرهـ حلا تطيعه بشي
الجد:هلا بعيالي تعالو يبى

دخلو وسلمو على جدهم وجدتهم وجلسو قبالهم

وبعد السلام تكلم الجد
ابو أحمد:شوف يبى طلال وانت نواف تروحو لمكتب ...........خذو تذاكر سفركم
نواف:سفرنا
الجد:اي هديه مني لكم لمدة اسبوع بس ها من اللحين اقول لكم مابي تروحو لأماكن ولاتماشو بنات روحو استانسوو ورفهو عن نفسكم وارجعوو
طلال:مشكور يالغالي ماتقصر
نواف:فديتك يبى بأذن الله مابنسوي شي وحنا تربيتك
حلا بقهر:ايوا هما يسافرو وحنا بس جوالات
نواف:وش حارقك وبعدين "وبأبتسامه"مبروك على الجوال
حلا:الله يبارك فيك
نواف وهو يناظر جواله:كم ارقامكم
حلا:اقول تلايط مابقى الا اعطيك رقمي
الجد أبو أحمد:كفو بنيتي "
وناظر نواف"
وانت ماتستحي وقدامي تاخذ ارقام بنات عمك وش تبى بها
نواف:لا ياجدي امزح صدقني
طلال بهمس:اي باين تمزح
الجده أم أحمد وهي ملاحظه سكوت طلال:وش فيك يمه طلال ساكت مو على عوايدك
طلال:ابد يالغاليه مافيني الا الخير
حلا:بخير ياجده ماعليكي فيه شباب
طلال وهو يحس بقهر من حلا بسبب ذاك الموقف اللي بالمزرعه:مالك شغل انتي بلا لقافه
حلا بقهر:شوفه يبى وش يقوول
الجد ابو أحمد:خلاص ياعيال تتهاوشو وانا جالس مافي أحترام
طلال:محشوم يالغالي
نواف:ماقلت لنا يبى وين السفره
الجد أبو أحمد:لندن أنشاء الله
نواف:حلو عاد جوها ذي الأيام روووعه
حلاوهي تناظر نواف بنص عين:قصدك الشقر اللي فيها روعه
نواف وهو بيقهرها:مايحتاج تمدحيهم
حلا:شفت ياجدي بيروح يغازل
الجد أبو أحمد بأبتسامه وهو يناظر حلا:ليه تغاري عليه
"حلا هنا دوروها ماتت من الحيا ومها تضحك عليها ونواف يناظرها بأبتسامه عريضه أنرسمت على وجهه"
حلا وهي لافه وجهها:من زينه أغار عليه ومن هو أصلاً

ووقفت يالله يبى بروح مع السلامه ومشكور على الهديه الحلوه
مها وقفت معاها:لحظه بروح معاكي:يالله مع السلامه يبى وسلمت على جدها وجدتها وطلعت

\
/
\
/
\
/
\
"بعد ماطلعو لف الجد على طلال وهو يقول
الجد أبو صالح:أنا شايف يبى طلال ان نفسيتك تعبانه والله العالم من شنو وسافر يبى ورفه عن نفسك وأستانس وأنشاء الله ترجع أحسن
طلال وهو يهز راسه:أنشاء الله يبى

ووقف وهو حاط يده على جيوبه:يالله أستأذن يبى ومشكور على الهديه الحلوه الله لايخلينا منك
وقف معاه نواف وهو يقول:يبى كلمت ابوي وعمي ابو فهد امكن مايرضو نروح
الجد ابو صالح:لا من هالناحيه لاتشيلو هم كلمتهم ووافقو بس مثل ماوصيتكم
تقدم طلال ووراه نواف وهو يقول:لاتشيل هم يبى تربيتكي يالغالي

وسلمو على جدتهم وطلعو وهم في السياره
نواف:وش فيك ياطلال الكل لاحظ له الدرجه مأثر فيك حبهاا
طلال وهو يتنهد ورجعه ظهره على ورى:خلاص ماعادت تهمني يانواف خلاص
نواف وهو يناظر الطريق قدامه:وهذا اللي أتمناه لأنك تستااهل كل خير<<ورتب على كتفه بيده
/
\
/
\
/
\
/

قبلهااا بدقايق
/
\
/
\
/
\
/
طلعت حلا من بيت جدها هيا ومها ومها سحبتها معاها لبيتهم

حلا وهي تدخل مع باب بيت "عمها أبو تركي":اي سيبيني يدي كسرتيهااا"وفكت يدها من يد مها اللي شادتها بقوة "

مها:تستاهلي مرهـ ثانيه أقول تعالي تجي مو "وتقلدها"بروح بيتنا بنام" بالله ماشبعتي نوم من أمس
حلا وهي ترمي طرحتها على الكنبه وتجلس على الكنبه وتحط رجل على رجل:كيفي نومي وحرهـ فيهـ وش حاشرك
مها وهي باقي واقفه:أقول أنطقي هنا بروح أنادي غلا ورنا"وبحماس"ياغبيه عشان نوريهم جوالاتنااا اللي دوم يعايرونااا والله لينقهرو وخاصه انها آخر مديل مستغربه غلا لين اللحين ماشرت
مثلهاا وهي كل ماينزل جوال جديد شرته
حلا وهي تنزل رجولها وتوقف وبحماس أكبر:اي والله جبتيهاا يالله أنتي ناديهم وأنا بدق على دلع ويجو ويشوفوني أكلم
مها:ههههههههه طيب يالله بروح

طلعت مها وحلا طلعت جوالها من الشنطه ودقت رقم دلع رن ليما فصل
حلا وهي تناظر الجوال:ياربي من هاالدلع مسويه أدب ماترد على الأرقام الغريبه

خل أرسل لها رساله

كتبت بسرعه رساله لهااا

/
\/
\/
\
/
\
<<في مكان ثاني وفي بيت ثاني بيت أبو سعــود>>

كانت دلع نايمه شوي صحيت على صوت نغمة المسج العاليه

رفعت راسها من على المخدهـ وسط الظلام اللي لاف الغرفه رفعت يدهاا لزر الأبجوره وضغطته وولع النور شافت جوالها على الكومدينه أخذته
وفتحت المسج بعيون نعسانه وقرت محتواهـ
"دلع يالدبه ردي أنا حلا بسرعه"
دلع وهي عاقده حواجبها:حلا وش هالرقم اللي داقهـ منها لايكون جوال أخوها لأن رقم ولايف أعرفه
عدلت جلستهاا إلا دق الجوال وهو بيدها
بنفس الرقم رفعته وردت بصوت كلهـ نوم:الوو

حلا وهي واقفه وسط الصاله وحاطه يدها على خصرها:بدري لاكآن رديتي
دلع:وش فيكي هاجه فيني وبعدين من رقمه هذاا
حلا بدلع وهي تلعب بخصله شعرها:حزري فزري
دلع:والله مو فايقه لك قولي لايكون رقم واحد من اخوانك
حلا:اقول تلايطي هذا رقمي ياحلوهـ
دلع:أهاا "وكأنها تذكرت شي"إيش رقمك من متا لاتقولي أشتريتي جوال
حلا وهي تشوف رنا وغلا نازلين من الدرج:اي ياحلوه رقمي جدي جابه لي هديه أنا ومها يالله سلام اكلمكي بعدين أوكي
دلع:طيب مع السلامه

وسكروووو

/
\
/
\
/
\
/
\
وصل طلال بيتهم
واستقبله صيااح لميس

لميس وهي تبكي:يمه وربي هو ضربني مالي أضربيه
يزن وهو واقف على يمين أمه اللي جالسه على الكنبه بينهم:ماعاد بقى الا انتي اقلبي وجهك
لميس وصياحهااا يزيد:يمههههههه أضربيه ماسويت له شي عشان يضربني بس قلت وليد يعرف يلعب أحسن منكك
يزن وعصبيته زادت وقرب وجرها من شعرها:مالت عليكي انتي وليد وربي لو جبتي أسمه على لسانك لأقصه فاهمه


"ماحس الا باليد اللي سحبته من فنيلته من ورى ودفته بعيد"
طلال بعصبيه:والله لو تقرب منها مرهـ ثانيه ماتلوم الا نفسك
يزن:هيا اللي بدت تستاهل
طلال:وبعدين معاك أنت ها عشان مشاكلك انت ووليد تحط حرتك فيها
سكت يزن ونزل راسه
ام فهد وهي توقف:زين تسوي فيه جنني هو وأخته من الصبح وهم مناقر
طلال وهو يناظر يزن اللي طلع متوجه للدرج:خلي بس يعيدها ويشوف "ولف على لميس"
وانتي لاتحارشيه ولاتماتلومي الا نفسك
وأستأذن من أمه وطلع غرفته بسرعه ويحس راسه مصدع وعلى هواش أخوانه زاااد
أم فهد:ياربي هالولد مدري وش فيه متغير
لميس وهي تمسح دموعها:اي حتى أول مرهـ يصارخ علي
أم فهد:يالله أطلعي غرفتك قبل لايجي يزن وترجع هوشتكم
/
\
/
\
/
\
/
\
/
***********************

نزلت غلا ورنا وجو ناحيت حلا

رنا وهي ماشيه ورى غلا:حلا وش مجيبك هالوقت
حلا وهي تسلم على غلا:طردهـ أعتبرها هاذي
رنا وهي تقرب منها وتلسم عليها:ههههههه لاوالله بس مستغربه

حلا بعد ماجلست:لاتستغربي ولاشي
غلا:أنا شي فيهـ حلا ما أستغربهـ"ولفت نظرها الجوال اللي بيد حلا"
غلا بأعجاب:حلا وش هالجوال اللي في يدك
حلا:مصيبه مايفوتك شي
غلا:وجع قولي ماشاء الله
حلا:ماشاء الله عيني باردهـ
رنا:جوال مين
حلا وهي تقلب الجوال بيدها وبغرور:جوالي طبعاً
رنا:جانا غرور رغد
حلا بنرفزه:مالقيتي تششبهيني الا فيهاا
رنا:هههههههه وش اسوي
غلا:وريني الجوال
أعطتها حلا الجوال
غلا:رووعه هذا ماشفته شكله نازله جديد لافاتتني أشياء نزلت وأنا مدري عنها لابكرى لازم ننزل السوق بس من وين شريتيه
مها وهي داخله عليهم ووراها الشغاله شايله صينيه فيها عصير وقطع كيك:جدي شراه لنااااا
رنا:ثنتينن بجوال
هنا ماتت حلا من الضحك:هههههههههههههههه يمه بطني هههه انتي من جدك ذكرتيني بالنكته اللي تقول فيهـ ثلاثه دايم يمشون مع بعض ليشش
مها تكملهاا:متقاططين بالجوال ههههههه

"حطت الشغاله العصير والكيك قدام كل وحدهـ وطلعت"

رنا بزعل:مالت وش قلت وبعدين وين جوال مها ماشفته
مها وهي تطلع الجوال من جيبها:هذا هو
غلا:لالا بكره بنزل السووق اللي تبي تجي بس ترى بعد المغرب نروح
حلا:ماتت غلا من الغيرهـ هههههه
غلا:اقلبي وجهك
حلا:طيب على العموم أنا بروح حتى لو تبين اللحين جاهزهـ
مها:اللحين والله بجد انتي مستخفه سوق بالظهر
وقفت غلا وهي تقول:يالله أنا بطلع مواعدهـ ريفال على المسن ذا الوقت
حلا بتريقه وهي تناظر غلا:ماشاء الله حتى المسن صار له مواعيد مستشفى ذا مو مسن
غلا:أسكتي بس وش عرفك ومشت متوجهه للدرج
حلا بصوت عالي عشان تسمعهـ غلا:مسكينه أنتي اللي وش عرفك أنا خبيرة نت مو بس مسن قال ولكمووو وبااك بس عندك
مها:ههههههه حلوه والله ذي
حلا:افا عليكي تبين غيرها عندي ترى مستودع بحوشنا مليان تيت وسي يو وغيرها كثير
مها:ههههههههههههه يمه بطني حلا خلاص
وقفت حلا :هههههه طيب يالله بروح بيتنا بكمل نومتي حلمت حلم روعه بس الله يهديه جدي صحاني منه يوم بغيت اشوف المعرس
وقفو رنا ومها معاها
مها بغمزه*_^:ياعيني السالفه فيها عريس
حلا وهي تمشي تجاه الباب:لالا مو لي العريس لوحدهـ أعرفهاا
يالله أنا بروح
مها: اي صرفي
"لفت عليها حلا أقول بكرى السوق لاتنسون وخبرو البنات نبغى نفلها يالله سسسسلام
مها ورنا:مع السلامه
*********************************

"طلعت غلا غرفتها وشغلت لاب توبها وحطته على سريرها
وخلته شغال وراحت فتحت ثلاجتها اللي بالغرفه وخذت منها سكنرس وعصير برتقال ورجعت جلست على سريرها

وفتحت الماسنجر ولقيت

ريفال<<[c=45][a=45] .[/a][/c][c=10][a=10].[/a][/c] [c=14]عِند?ْ خَبرٍْ[/c] [c=45]?شْ غَآاايتِيْ[/c] [c=10]هَالدقيقَـہ[/c]
[c=10][c=45]??دّيْ أضمّمم?ْ[/c] ?انفٍجرٍ فِيْ?ْ[c=27]»»»[/c] { [c=14]?أصِيْيَحّ[/c] !![/c]<<هذا توبكي حق الماسنجر وش رايكم فيه بس

<>أون لاين<>

غلا<<[c=0][a=1]«ا?’ـلامِنآ» [/a][/c] [c=3]~[/c] اقرَبْ شَبـ’ـهْ { للـ[c=3]?[/c]’ـصَآفِيرٍْ [c=3]??[/c]
[c=3]تمـ’ـسِيْ مَعَاْناْ[/c] وٍ’لا اْصبَح اْلصـ’ـبَح[c=3] ,,[/c] {[c=3] طـآرٍتَ[/c] ..[c=1]![/c][c=14]![/c][c=15]![/c]

غلا:السلام عليكم
ريفال:هلا قلبو وعليكم السلام
غلا:وحشتيني أخبارك
ريفال:أمس متفارقين على العموم تشتاق لكي العافيه
غلا:مالت عليكي هذا جزاي المهم اخبار خالتوو وخالو والبنات
ريفال:كلنا تمام وأنتم أخباركم
غلا:كلنا بخير اسمعي بكرى السوق اوكي
ريفال:بسم الله على طول كذا بكرى السوق لالا شكلها نازله شي جديد
غلا:لابس جدو شرا لمها وحلا جوالات نازله جديده فاتتني اشترو قبلي
ريفال:هههههههه مسكينه يالله مره ثانيه تعوضيها
غلا:مالي بكرى ننزل اوكي بتروحي ولالا
ريفال:مدري تدري ماعندنا سواق أشوف رامي لاجابناا
غلا وهي بهاللحظه تذتكرت الموقف وكست خدودها حمرهـ:لاأنشاء الله يجيبكم قولي لرنده تقوله مو تقولي حبيبه قلبه ومايرفض لها طلب
ريفال:هههههههه طيب

"في هاللحظه كان توه واصل رامي من شغله وكان بيتوجه لغرفته بس يوم شاف باب غرفت ريفال مفتوحه دخل وشافها جالسه على جهازها"

قرب منها وكانت معطيته ظهرها ولاكن مو حاسه بوجوده خلفها رفع نظره لشاشة الكمبيوتر وقرى الكلام اللي مبين في المحادثه
وأستغرب وش سبب ذكر أسمه في الكلام
تحرك كرسي ريفال للخلف وصقع برجله
رامي:آآه
شهت ريفال ولفت عليه:رامي وش جابك
رامي وهو يناظر رجوله:ولاشي كنت مار من عند غرفتك وبس دخلت
ريفال:اها قصدك تشوف مين اكلم
رفع رامي نظرهـ عليها:مستحيل أشك فيكم خواتي وعارفكم
ريفال:اي زين تعورت
رامي:لابسيطهـ"ورفه نظره لشاشة الكمبيوتر وشاف مكتوووب وووينك واشارة تنبيه"من تكلمين
لفت ريفال كرسي الكمبيوتر للشاشه:يووه ذي غلا نسيتها هههههه
رامي:وليش جايبين سيرتي معاكم
ريفال وهي تناظرهـ بنص عين:يعني تتلقف
رامي وهو رافع حواجبه وبحده:تعرفيني ماعندي ذي الحركات بس كذا انتهبهت
ريفال:لابس غلا تقول بتروح السوق هيا والبنات ويبغونا نروح معاهم وقلت لها مافي الا رامي اشوف اكلمه قالت خلي حبيبة قلبه رندهـ تكلمه
رامي:اها ومتى وبتروحو
ريفال:بكره"وبترجي"بلييز بنروح رامي والله ناقصتني اشاي بشتريهااا
رامي:طيب يصير خير"ولف بيمشي"
وقفت ريفال ومشت وراه:وش يعني يصير خير يعني بتدويناا
رامي بدون مايلف عليها:ريفال لاترجيني جاي تعبان مو ناقص قرقه
ريفال:طيب بس عشان اقول للبنت لأن اكيد بتقول لو انت ماوديتنا بتمر علينا بسواقهم
لف عليها رامي وبحزم:ماعندنا بنات يروحو مع السواقين خلاص انا اوديكم"ولف وطلع برى غرفتها متوجه لغرفته وهو مقهور وشلون عمته سايبه بناتها كذااا"

رجعت ريفال للمحادثه وعلمت غلا بكل شي

/
\
/
\
/
\
/
\
*******************

اليوم الثاني في العصر

دخلت رنا غرفة غلا شافتها جالسة تستشور شعرها
وقفت عند التسريحه وهي تتكلم بصوت عالي وتأشر لهاا تسكر الأستشوار عشان تسمعها:سكريه بكلمك
قفلت غلا الأستشوار وحطته على التسريحه:وش فيه
رنا:السواق مو في أمي راسلته مع الشغاله يجيبو أغراض للبيت دقي عليه خليه يجي بعد الصلاه لايتأخر اوكي
غلا:طيب بكلمه

طلعت رنا وكملت غلا أستشوارهااا

بعد صلاة المغرب جاء السواق ولبسو البنات عبيهم وطلعو وركبووو السيارة وهم في الطريق دقت عليهم ولايف

غلا:هلا ولوف
ولايف:هلا قلبي وينكم اللحين
غلا:خلاص قربنا لأنا مرينا دانه وجايين
ولايف:حنا خلاص دقيقتين كذا ونوصل تلاقونا عند مدخل البوابه الــ2 أوكي
غلا:خلاص قلبو
ولايف:يالله سلام
وسكرووو

*********************
بعد دقايق وصلو البنات ونزلو وراحو للبوابه رقم <>2<>وليقوو ولايف وحلا
واقفين هناك سلمو عليهمم وكانو بيدخلو داخل ينتظرو البنات الباقين دق جوال رنا رفعته كانت لمياء
رنا:هلا لمو
لمياء:هلا وينكم
رنا:انتو وصلتو
لمياء:اي اي بوابه انتو
رنا:حنا من بوابهـ2 تلاقينا هناك واقفين
لمياء:خلاص جايين سلام
وسكروو
شوي جات زهور اللي مرو عليها ولمياء وريفال ورندهـ ووراهم رامي
او ماوصلو سلمو على البنات
رامي:يالله بنات بروح انتبهو على نفسكم

"رغد تلاقائياً رفعت عينها عليه وجات عينها بعينه بالصدفه"

/
\
*
\
/
*
\
/
*
\
/
*
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
"رامــــــــــــي"
<>نفس العيون اللي شفتها بالمزرعهـ إي متأكد هي بس مين"

/
\
/
\
*
\
/
\
*

( )( )( )( )( )( )

<>غــــــــلا<>

"وش فيه يناظرني كذا لايكون عرفني يافشلتي لالا وش عرفهـ فيني وأنا متغطيهـ"
نزل عينه رامي وقبل لايمشي سمع وحدهـ تقول غلا هاتي جوالك بكلم أمي تخلي السواق يجينا على الساعه 10 يكون خلصنا
رفع عينه مره ثانيه عليها وعرف انها هيا المقصوده من يدها اللي مدتها بالجوال لرناا يعني هياا غلا غلا بنت عمتي "

رامي:لا لاتدقو عليها مانتم راجعين مع السواق بها الوقت أنا أرجعكم

"ومشـــــــــى متجــهـ لسيارته"
/
\
/
\
/
\
"دخلو البنات السوق وتوزعو كل ثلاث ولا أربع مع بعض ومن محل لمحل وومرو مها وحلا بمحل عطور وسحبت حلا معاها ودخلو المحل

وطلبت حلا من الموظف اللي يبيع يوريهم الأعطار الجديده والحلوه النازله وكان يبخ لهم بكروت من كل نوع وهما يختارو

حلا:الله مها شمي هذا روعه
مها وهي تشم الكرت:ااي حلو
حلا:عندك عطر رجالي
لفت عليها مها:لمين تبيه
حلا:بعدين تعرفي
طلع لها عطر وبخ لها بكرت ومدهـ لهاا
حلا:الله روعه وش رايك فيه مها
أخذت مها الكرت اللي كانت ريحة العطر تفوح منـهـ:اي حلووو بس هذا العطر قد مر علي
حلا وهي تضحك بخفيف:هههههههه عطر حبيب القلب طلال صحح
رفعت مها نظرها عليهاا وبهمس:اقول اهجدي بعدين فكهـ منهـ هجد مو مثل أول مناشبني أرتحت يومين من سيرته
حلا وهي تناظرها بعيونها بقوة:خسرتي شي كبير يامهــآآ وصدقيني بتندمي
مها بأستهزاء:على شنو بندم أقول اهجدي بس
هزت حلا راسها ولفت وجههاا للبياع:لو سمحت أخوي أعطيني نوع ثاني
)(عطااها عطر وعجبهااا كثير وشرته وطلبته يغلفه بشكل حلو مع كرت)(
<>وهما جالسين ينتظرو دخلت دانهـ<>
دانه:وينكم وانا ورندهـ ندوكم وهيا راحت للبنات تسألهم عنكم
حلا:حنا هنا جينا ابغى اشتري عطر "وشالت الكرت اللي على الطاوله ومدته لها"شمي هذا العطر وقولي بمنو يذكرك
"شالت دان الكرت وشمته":عطر طلال أخوي هذاا المفضل عندهـ
حلا:أي عطر طلال
دانه:على سبرته مدري وش فيه متغير صاير عصبي
مها:لاوبعد تبغوني أتزوجه أستنو
دانه بقهر:أصلاً ماعاد صار يجيب سيرتك ولايحب ذكرهاا أرتاحي
حلا:تخيلي يامها يزوجك عمي طلال حتى لو مارضيتي
مها:مستحيل أبوي يغصبني على شي مابيه
دانه بقهر ونبرة أستهزاء بصوتها:عاد أخوي اللي يبيك هذااك أول ياحلوهـ "ولفت عنهم وطلعت برى المحل"
مها ودموعها متحجره بعيونها ماتدري ليش لفت على حلا:سمعتي وش تقول بنت عمك
رفعت حلا نظرها لمها:مو هذا اللي تبيه

"لفت مها وججهها للجه الثانيه عشان حلا ماتشوف دموعها اللي نزلت غصب عنها تحس شي
بقلبهاا أنكسر امكن مشاعرها كونها بنت وتنرفض من شخص حتى لو مايعني لها شي بس ياترى هذا هو السبب ولاسبب ثاني"

&أنتظرو ليما خلص تغليف العطر وأخذوه وحاسبو
وبعدهاا طلعو من المحل&

/
\
/
\
/
\
/
\
_ _ _ _ _ _ _ _

مضـــــــــــى الـــــــــــوقت ســــــــــريع

الســاعــهــ 10:5 دقائق
~*¤®§(*§فـي أحــد الأستــراحــآآآت اللي دووم يتجمعــو فيهــا الشبـــاااب §*)§®¤*~ˆ°

دخل تركي:السلام عليكم
ردو بردود متفرقه:وعليكم السلام
عبدالله:بدري لاكان جيت
تركي وهو يسلم عليهم:ههههههه وش أسوي
علي:وين فارس
تركي:بيتأخر شوووي
يزن:أجل بنأخر العشااء ليما يجي
تركي:اي بننتظرهـ على العشاء
/
\
/
\
/
\
/
\

_ __ _ _ _ __ __

<>في بيت أبو فهـــد<>

"في مجلس الرجال"
فارس وهو يحط الفنجان:خلاص لاتصب
فهد:اليوم شكلك ماراح تنام كثرت عليك القهوهـ
فارس:لاعادي تدري أحبها إي ماقلت لي وش بتسوي اللحين
فهد وهو يرجع ظهره على الكنبه:بالصراحه أفكر أسوي زواجي كفايه كذا ولا أنا غلطاان
فارس:أبد بالعكس ودام البنت تخرجت صاارت خرج زوااج
فهد:اي وهذا اللي أقوله وبالصراحه ماعدت قادر أتحمل حياتي بدونها وبكلم أبوي نروح لعمي ونتفاهم معااه
فارس وهي يغمز له*_^:ياعيني على الحب
فهد:هههههههه يالله أنشاء الله نشوفك عريس
فارس بتنهيدهـ:آآآآه بدري
فهد:بدري من عمرك ياولد العم
فارس وهو يوقف:هههههههه طيب يالله أستأذن اللحين
فهد وهو يوقف:وين بدري باقي العشاء
فارس:لاماعليه أعذرني الشباب ينتظروني في الأستراحه على العشاء
فهد:خلاص على خير
فارس:يالله مع السلامه

وسلمو على بعض وطلع فارس وركب سيااارته

وهو في الطريق دق على تركي
تركي:هلا فارس
فارس:ياخي من اي طريق يجو لذي الأستراحه حست
تركي:ههههههه قلت لك تعال معاي
فارس:اللحين بتقول لي ولاشلون
تركي:ههههههه طيب لاتعصب شوف تروح مع الطريق ........ وتلف وتلاقي أشاره روح يمين وأمشي سيده تقابلك لفه أدخل فيهاااا وأشمي سيدهـ وعلى يمينك أستراحه لونهااا عودي وبيج ولا وصلت دق علي أطلع لك
فارس:طيب يالله سلام
تركي:مع السلامه

** ** ** ** **

<>لف فارس ورجع للطريق اللي قاله عليه تركي وشوي نزلت قطرات مطر على سيااارته

وشوي شوي بدددء يزيد

شغل المسحات وجلس يمسح قطرات المطر وصار يسوق بهدوووء<>
فارس:يالله أنا قايل مع هالجوء شكله بيجي مطر الله يجعله مطر خير يــآآآرب
"شوي وهو يمشي مر بطريق شبه ظلمه لمح ظل أسود عند شجره من الأِشجاار هوى وطاااح على الأرض

كان بيمشي ويقوول أمكن يتوهم لي لاكن شي خلاه يرجع ريووس ليما وقف عند الشجرهـ نفسهااا

ولقى نفس الشي متكوم على نفسه والمطر يغطيه مع صوت الرعد القوووق والبرق اللي يشق السمااا

وقف السياره وهو مستحيل يسوق به الجووو

وووووووووووووووو"

/
\
/
\
/
\
/
\
/
أنتهـــــــــــــــــــى البـــــــــــآآآآآآآآآرت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shhad
مَرٍـآقبـَﮧ ©
avatar

المساهمات : 424
تاريخ التسجيل : 15/05/2012
العمر : 18
الموقع : -

مُساهمةموضوع: رد: رواية كلي لها وماملك قلبي غيرها رومنسية وكاملة   الخميس يونيو 07, 2012 6:26 am

بكرة اكمل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية كلي لها وماملك قلبي غيرها رومنسية وكاملة
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتدى طيف الزهراني الرسمي :: || عآلمنا :: ✖ أي حكايةة ً س تكَون ✖-
انتقل الى: