منتدى طيف الزهراني الرسمي
حللـﭞ أهلآً .. ﯛﯛطئـﭞ سهلآً ..
يآهلآ پـڪ پين أخـﯛآﭠـڪ ..
آن شآء آللـﮧ ﭠسمـﭠξـيَ مـξـآنآ ..
ﯛﭠفيديَ ﯛﭠستفيديّ مـξـآنـآ ..
ﯛپآنـﭠظآر مشآرگآتـﭠـڪ ﯛآپدآξـآﭠـڪ ..
ســξـدآء پـﭠﯛآچـدڪ مـξـآنآ .. ﯛحيـآڪ آللـﮧ
منتدى طيف الزهراني الرسمي
حللـﭞ أهلآً .. ﯛﯛطئـﭞ سهلآً ..
يآهلآ پـڪ پين أخـﯛآﭠـڪ ..
آن شآء آللـﮧ ﭠسمـﭠξـيَ مـξـآنآ ..
ﯛﭠفيديَ ﯛﭠستفيديّ مـξـآنـآ ..
ﯛپآنـﭠظآر مشآرگآتـﭠـڪ ﯛآپدآξـآﭠـڪ ..
ســξـدآء پـﭠﯛآچـدڪ مـξـآنآ .. ﯛحيـآڪ آللـﮧ
منتدى طيف الزهراني الرسمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


نورتينآ يا زائر بـطلتكـَ الحلوهـَ
 
الرئيسيةأحدث الصورالتسجيلدخول

 

 قصيميات في لبنان اضححك لين تفطس

اذهب الى الأسفل 
2 مشترك
كاتب الموضوعرسالة
فنو
مَرٍـآقبـَﮧ ©
فنو


المساهمات : 365
تاريخ التسجيل : 13/05/2012
الموقع : بيتناآآ

قصيميات في لبنان اضححك لين تفطس Empty
مُساهمةموضوع: قصيميات في لبنان اضححك لين تفطس   قصيميات في لبنان اضححك لين تفطس Emptyالخميس يونيو 07, 2012 9:31 pm

هلا والله فيكم......





هذي قصة شفتها باحد المنتديات واعجبتني مررررة وضحكتني مررررة وحبيت انكم تشاركوني فيها.......

طبعا القصة طويلة مرررررررة وعلشان مااخليكم تملون راح انزلها على شكل اجزاء....
وتكفووون لاتفشلوني...ابي الكل يشارك...
صدقوني قصة حلووة وماراح تندمون لو قريتوها....

يلا اخليكم مع القصة.....


قصيميات في لبنان
الجزء الاول




حصه وهيله ومنيره




ثلاثي بنوووتي في بيت واحد ...


هذولي خوات ساكنين ببيت ابوهم بعد ماتوفى ومالهم في الدنيا غير هل بيت وراتب ابوهم التقاعدي ...


ومقطوعين من شجره!!


حصه: الاخت الكبيره يلقبونها وزارة الداخلية .. وموظفة في احد البنووك.. راتبه على قد وظيفته ..عمرها في حدود الاربعين .. تعتبر اعقلهم ..سنعه ..شخصيه قويه ..


هيله: الاخت الوسطى (الوسطى ولا الشرقيه؟!)


<<بدا التميلح خخخخخخ>>


اكملكم متخرجه من معهد كمبيوتر وجالسه في البيت .. تلقب بأم لسانين ..عربجيه بقوووووه.. تكره التنانير وتموووت على سراويل السنه وفنايل العلاقي .. عادي تستهبل مع جيرانهم وتنسم كفرات سياراتهم .. كانت تلبس مريوله وتلبس تحته ترنق( بجامه)ابو خطين على الجنب




تمووت على شي اسمه مقالب .. ماتصدق تلقى خنفسانه او صوارير تاخذها وتحطهم بدرج اخته ...


بإختصار كانت ولد إلا حبتين!!




منيره :الاخت الصغرى ( اجل وين العظمى صاروا درجات حرااره !!!)


<< داري ودكم تقولون خلصنا هات السالفه !!


تدرس في الثانويه ,,شايفه عمره على خواته لانه الصغيره ..تلقب نفسه بــ: ميمي <<يااااي !!




منيره وحصه وهيله .... جالسين بالصاله عند التلفزيوون .. يشربوون شاهي مع كراث وفصفص والجلسه عسسسسسل ... وسوالييف على كيف كيفكم ****




حصه : منااير ,, وش بتس ياقلبي...؟! ضايق صدرتس اليوم؟؟!


منيره: الحين ورانا حنا كذا ..؟! كل زميلاتي يسافرون بالصيف برا وينبسطون وانا ماعمري تعديت حدود بيتنا.. ودي اسافر مثلهم ..لاتحسسونن بالنقص!!<<تستعطف خواته


حصه: وين تبينا نروح طيب؟ومع مين؟ ومن بيسنعنا ..ومن وين لنا مصروف يكفي!! انتي تحسبين المسأله سهله!!


هيله : هع هع جيبي مدرس رياضيات يحل لك المسأله !!


منيره: بدل ماتستخفين دمتس دوري لنا حل !!الله يخليكم ودي اسافر !!


حصه.. هيله ..متى تتطورون ؟!


الناس وصلوا المريخ وحنا سوريا ما وصلناه!!


حصه :حنا ماعلينا من غيرنا .. السفر ماهووب سهل !!


هيله : اذا على الفلوس راتب ابوي مع راتبتس يكفون .. واذا على المحرم ماعليتس ارقدي وامني انا عن الف محرم !! صدزز ( هذي لغير الناطقين بالقصيمي ومعناها صدق ) ليش حارمين انفسنا مادام اننا نقدر؟!


منيره: ايه خلاص ياحبيلتس خلينا نرووح !!


حصه : طيب وين ؟!؟


هيله : قوه لألمانيا تكفوووون .. عشان اتابع كاس العالم !!


منيره : اقووول اووص انتي ..انا اقوول قوه للبنان .. عشان مانتعب انفسنا انجليزي ولا شي .. اخواننا عرب .. ومنه نروح نلعب بأشكالنا شووي انا اصير زي إليسا وحصه زي باسكال وانتي مثل نانسي !!


هيله :ووووووع مالقيتي إلا ذولي من زينهن .. انا ازين منهن !


حصه : اقوول اهجدي انتي وياه .. فرضنا بنروح للبنان ..من بيحجز لنا ومن بيستقبلنا ووش عرفنا بالاماكن والسكن ووو....


منيره : خلوا كل شي علي .. انا ابسأل زميلاتي ..بس انتم قرروا!!


حصه : والله اني خايفه ...خلون افكر!!


منيره:ياحبيلتس ودي لو مره بحياتي استانس


(وكان لهذه الكلمه وقع شديد في نفس الحصي الي هو دلع حصه )...!


بعد اسبووع .. نزلت الحصي على البنات بالصاله .....


حصه ومعها ورقه تقرا منها :


بسم الله الرحمن الرحيم ..اما بعد .. بعد مناوشات ونقاشات وتكتيكات وتفكيرات متلازمه.. قررنا نحن (حصه ال.... )...


السفر خارج المملكه ولكن بشرووط سندرسها كتالي :


1/الميزانيه تكون بيدي وسوق لاتفكروون تروحون ..


2/ مسألة الكشف شيلوها من راسكم ..لو تعضين الارض ماخليتس تطلعين خشتس لأحد ..


3/ السفر لمدة اسبوع فقط ..


4/الاقتصاد بالاكل والشرب ..


5/ ان هيله تترك عنه اللقافه وطولة اللسان ...


6/ ان كلمتي هي اللي تمشي .. واي قرار اتخذه هناك ينفذ بلا نقاش هذا ولو تم تجديد في الشروط السابقه فيلزم الاطراف التقيد بها .. وإلا :.... اقعدوا هنا وانثبروا ....


هيله ومنيره بصووت واحد : لا لا لا خلاص اللي تبينه بيصير !!


وبدأت هيله ومنيره والحصي بتجهيز أغراض السفر..


هيله : اقول مناير .. وش رايتس اخذ لبس كشخه .. ولا كله ترنقات وقمصان ؟!


منيره ( بغت تجيها سكته قلبيه): وش قمصان انتي ووش ترنقات .. تبينهم ينزلوننا من الطياره!!!


الله يفشل العدووو خوذي احسن لبس نبي نروح نكشخ هناك حنا موووب اقل من غيرنا ...!!


هيله : اندري .. انا اقول محد يعرفنا .. يعني احس اني باخذ راحتي هناك..


حصه : وش دعوه عاد انتي مقصره هنا .. اقووول ترى شارطه عليكم ولا ترى بهون !!


هيله : لا لا خلااااص "وه بس" وانتي حبحر ( فلفل ) محد يقولتس شي .. كنت امزح معتس يااخيتي **


حصه : خلي مزحتس ذا بوقت ثاني .. وخلصي ترى بكره الساعه 8 لازم نصير بالمطار ..


منيره : اقول هلووو .. تكفين عطين الكاميرا حقتس ودي اخذه معي ...!!


هيله : اقول طسي بذااك مابقى الاهي .. ماعندي غيره من ريحة المرحووم ..


منيره : من زينه الحين .. ابيض واسود .. ولا وبعد مت**ره مابقى به سنتيمتر الا ملصق بشطرطون ..


هيله: ماعليتس .. يكفي انه من ابوي ..


حصه : وبعدين انتي وياه .. يالله خلصوا واخمدوا بفراشكم بروح اكمل المطبخ ..


الساعه..2.. بالليل ..


هيله .. يمااااه ..


منيره : بسم الله الرحمن الرحيم ... وش بتس وجع هبلتين !!


هيله : ماادري يماااه حلمت حلم يخوووف !!


منيره : خير اللهم اجعله خير .. وشو؟!


هيله : حلمت ان معانا بالطياره انتر تيكر .. واني تهاوشت معه وجدعن من الطيااره ؟؟


حصه : يوووووووووووه وانتم ماتخلون احد ينام براحه !!


منيره : هيله .. اغديتس نايمه بس . وه ياشين الشهابه من كثر ماتهوجسين بالطياره تحلمين به خخخخ وهذا اللي يشوف مصارعه قبل ينام !!


هيله : ووه بس توووبه **


( ورجع الهدوووء يعم ارجااء المكان )


الساعة 8 a.m


حصه جايه من المطبخ تنااافخ وبيده مغرفه : قسم بالله ان ماقمتوا اني لا اهون عن السفر .. انتم كيفكم تروحون لخرخير وترجعون بنفس اليوم بعد .. قووووومي انتي وياه يالله !!!!


تقووم هلووو وميمي بشين نفس يتسحبوون للحمام ( وانتم بكرامه ),, بعد اقل من نص ساعه الكل كان واقف عند باب البيت ..


منيره : الحييييين بنروح للبناااان وتبيني اروح للمطار بليموزين ؟.!!!انا مناير اخر عمري اركب ليموزين ؟!


هيله : أي والله صادقه مناير المفروض استاجرنا دينا 2005عشان تودينا ..


منيره : تطنزين انتي ووجهتس .. اصلا هذا مستواكم .. حدكم بيجو 82


حصه : اقول رجعوا الشناط خلاص .. سفر ومانين مسافره ..!!


هيله ومنيره : خلاااص خلااص أي والله نسكت ..


ركبوا الليموزين وراحوا للمطار ...


عند البوابه


الهندي : هدا كمسين ريال عطي ..


حصه : وشو خمسين .. لايكثر .. نزل شويه الله يعافيك !!


هيله : لا احسن حبي راسه .. وخري وخري افتح بوجه خط سريع واحط به نخل بعد !!


حصه : اقوول طسي ادخلي وخلين اتفاهم معه ..


هيله ومنيره في صالة الانتظار ..


منيره : يااااي شوفي الاشكال الصح .. واااااو وااااو شوفي شنطة هذي اللي قدامنا هذا افندي ..


هيله : منهو الافندي ؟!


منيره : وش افنديه .. اقوول اسكتي تكفين لا تحومين تسبدي !!


وهيله ومنيره استلموا الناس ضحك .. وتطنزز...........................


حصه خلصت التذاكر وحملت الشناط وضبطت كل شي


حصه : يالله خلونا نركب خلاص نااادى علينا ...


منيره : شلون نادى ؟ ماسمعت اسمي !!


هيله : ههههههههههههههههههاااي ياررررربي يالمتطوره تبينه يقول يالله يامنيره تعالي اركبي ..


حصه ميته من الضحك ومناير تمشي قدامهم من الفشيله ,,,


وعند البوابه وقبل مايركبون .. نادى المنادي : الرجاء من الاخت حصه ال.... التوجه الى ادارة المطار للضروره وشكرا ..


هذا الجزء الاول وخلص......
ان شاء الله يكون عجبكم .....

واذا شفت تفاعل راح انزل الجزء الثاني على طوول........
الرجوع الى أعلى الصفحة اذهب الى الأسفل
https://teef-z.yoo7.com
shhad
مَرٍـآقبـَﮧ ©
shhad


المساهمات : 424
تاريخ التسجيل : 15/05/2012
العمر : 25
الموقع : -

قصيميات في لبنان اضححك لين تفطس Empty
مُساهمةموضوع: رد: قصيميات في لبنان اضححك لين تفطس   قصيميات في لبنان اضححك لين تفطس Emptyالسبت يونيو 09, 2012 5:53 am

يسلموووو\
بانتضار الجزء التاني
الرجوع الى أعلى الصفحة اذهب الى الأسفل
فنو
مَرٍـآقبـَﮧ ©
فنو


المساهمات : 365
تاريخ التسجيل : 13/05/2012
الموقع : بيتناآآ

قصيميات في لبنان اضححك لين تفطس Empty
مُساهمةموضوع: رد: قصيميات في لبنان اضححك لين تفطس   قصيميات في لبنان اضححك لين تفطس Emptyالسبت يونيو 09, 2012 6:54 pm

الله يسلمك ياعسل
الرجوع الى أعلى الصفحة اذهب الى الأسفل
https://teef-z.yoo7.com
فنو
مَرٍـآقبـَﮧ ©
فنو


المساهمات : 365
تاريخ التسجيل : 13/05/2012
الموقع : بيتناآآ

قصيميات في لبنان اضححك لين تفطس Empty
مُساهمةموضوع: رد: قصيميات في لبنان اضححك لين تفطس   قصيميات في لبنان اضححك لين تفطس Emptyالسبت يونيو 09, 2012 6:57 pm

وهذا الجزء الثاني


الجزء الثاني


بعد ماسمعو النداء......
حصه : يمااااه وش السالفه ؟؟

هيله : اقول اعترفي وش انتي مسويه ؟!

منيره : ياررربيه فشلتوووني روحوا لاتاقفون جنبي مااعرفكم ...

هيله: انطمي اويلااااه حنا وين وانتي وين !!

حصه : الله يستر ***

مدير الامن : من فيكم حصه ؟

هيله : اختار انت وش رايك من اللي تصلح تصير حصه ؟!

المدير : تستهبلين انتي ؟! ولا مانتب صاحيه ؟؟

هيله : الا اصحى من امك بعد !!

حصه وبعد قبصه محترمه لهيله : لا انا حصه .. سم اخوووي وش السالفه ؟!

المدير : ممكن اعرف ميولك السياسية ؟؟

حصه بعد ان طاحت خشته من هول الصدمه : وشو؟وشلون يعني ؟

هيله : يعني وش تشجعين ؟! هلاليه ياحضرة الزاابط ..

المدير : ترى لو ماسكتي انتي .. عيونك ماراح تشوف النوور ..؟!!

هيله : صدززز؟ هههه احسب مير عندك سالفه ..

منيره تسحب هيله برا الغرفه بأمر من حصه ...

حصه : والله اخوي مدري وش تقول .. مافهمت قصدك ؟؟

المدير : ممكن تفهمينن عن سبب وجود سكاكين بمختلف الاحجام حاطتها بشنطتك ؟؟

حصه : هاااو .. وش فيها يعني .. انا خفت ناخذ شقه مابه مواعين .. قلت اخذ احتياطاتي من هنا ..

المدير : شايفتن بالروضه تلعبين علي ؟ اعترفي وش وراك ؟

حصه : والله العظيم هذا السبب حتى شف الاغراض ماخليت شي بالمطبخ ما جبته ؟

وبعد تمطيع حلوووف وايمااان ..

المدير : شوفي سكاكينك بتتصادر .. وبتوقعين على تعهد .. والله يساعدكم .. ولاتعودين له مره ثانيه !!

حصه : سم وابشر ..

....حصه وهيله ومنيره .. ركبوا الطياره ..

المضيفه : مرحبااا اهلين وسهلين .. شرفتوووا ممكن تعطيني تزكرتك بليز ؟! ايه اختي هووون الكرسي تبعك تفضلي ..

حصه ومنيره صاروا جنب بعض .. اما هيله طلع مكلنه جنب رجال ..

هيله : وش تبين انتي !!! وربي مااقعد هنا لو اتعلق بالجناح !!

الرجال :هههههههههههههههههههههه

هيله : وش تضحك عليه انت ووجهك استح ع دمك وجع !!

الرجال : انا اسف !!

هيله : اقول اووص بس! << اسلووووب خخخخ

المضيفه : ماعليك اختي هيدا هو محلك .. مو بإيدي انت اجلسي هوون وبعد ماياخدوا الركاب اماكنهوون فيكي تغيريه !!

هيله : اقوول لو يجي ابوي اللي بقبره يقول اقعدي ماقعدت .. ماعلي دبري عمرتس !

الرجال: هههههههههههههههههههههههههههههههههههههه

هيله : ضحكت من سرك بلا .. خير خيييير وش تناظر ؟!تبي اسوي بوجهك عزيمه ؟؟!!

الرجال :: طاااح من الكرسي من الضحك !!!

هيله : وتبينن اقعد بعد !!اقووول والله لو اركب مكان الطيار ماقعدت هنا !!

والرجال ازال مستورا في الضحك المتواصل ..

حصه ومنيره لاهين بتقليب القنوات ***

سمع المضيف صوت هيله الرناان وجاء يشوف المشكله ..

المضيف : خلاص اختي تفضلي اجلسي هناك فيه مقعد بالدرجه الاولى مقعد فاضي ........هيله ( تقل وده تستحي ) :شكرا الله يعافيك ..

وجلس كل واحد بمكانه بانتظار اقلاع الطائرة الى بيروووووووووووووت

بدأت الطائرة بالاقلاع ,,,

استقر كل من حصه ومنيره بأماكنهن .. اما هيله فقد اخذت لها مقعدا في الدرجة الاولى ...

وشويه شوية <<< وينك ياسيبويه ؟؟

بدأت هيله تتحدث مع السيدة التي كانت قاعده بجنبها

- مرحبا يااام الشباااب << ماهيب عربجيه ابدن

- اهلين وسهلين

- وش اسمتس انتي ؟!

- انا السيد كارول ..

- كارووول سماحه ؟؟,,,,,,,خخخخخخخخخخخخ

- لا شو كارول سماحه !! انا وحده تانيه

- ايه ادري .. انتي لبنانية؟

- أي لبنانيه اصل وفصل

- فصل ولا مقصف,,,,,,,,,,,,, خخخخخخخخخخخ

- باردووون ؟! ( تعني اسفه او اعتذار )

- لا حرووون.......... هههههااااااااااي

- عفوان ماعم بفهم عليكي ..

- لا ولا شي المهم .. انتي موظفه ولا مثلي حاطزه بالدار...؟

- شو يعني حاطزه ؟؟ لا انا سيدة اعمال

- احححححححححلى ياسيدة الاعمال

- ( تبتسم ماتدري وش السالفه)

- وش تشتغلين ؟؟ تبيعين غنم ودبش وحركااات ؟!

<< هذا حده المسكينه هههه

- والله ماعم بفهم شو اصدك .. لكن انا بشتغل بالاسهم وهيك بشوف شغلي بالحافظات ويعني هيك شي ؟

- حافظات ؟؟اييييييه يعني تطبخين وتبيعين ؟!

- اطبخ شوووو؟! لا حبيبتي انا عم بشتغل بالاسهم ...؟

- يعني وشو انا مااعرف ,,

- انا بفهمك .. لكن شو اسمك ؟

- انا اسمي هيله .. تقدرين تناديني الهلي << ام العربجه !!

- لا مابدي إلك الهلي .. بدي ناديك هلووو ممكن ؟؟

- ايه ميخالف .. ان بغيتي نادين سحيله ام الخلاقين ..

- ايه احلى نادين .. خلاص اسمك نادين ؟

- لااااااااا والله انتس تنكه ؟

- شو تنكه ؟

- ماتعرفين التنكه ؟!<<بررررريئه ياعالم ..

- لا مابعرف

- انا اعلمتس بس انتي علمين وشو شغلتس

_ _ _ _ _ *_ _ _ _ _ *_ _ _ _ _ * _ _ _ _ _

حصه ومنيره لا هيييين مع الشاشه الي قدامهم ,, وكل وحده حاطه السماعه باذنه ومطوله عالاخر

حصه : منيره .. شوفي المحطه هذي ازين !!

منيره : وشششششششششششششششششو؟؟؟ مااسمع

حصه : اقوووووووووووول اليوم حرررر

منيره : وششششششو نطلع البر ؟؟

والناس يظحكون عليهم لان اصواتهم واصله للكابتن ..

_ _ _ _ _ * _ _ _ _ * _ _ _ _ _ * _ _ _ _ _

المضيفه بدت تدور بالقهوه تضيف ركاب الدرجة الاولى

هيله : تكررررررررررررم التعمه وش ذا القهووووووه ووووووع!!

المضيف: شو فيها ..؟؟ مش حلوه ؟!

هيله : وخري وخري بس انا اوريتس القهوه الصح ؟

وطلعت هيله من شنطته الصغيره<< لا حظوا انها صغيره

غلاية صغيره قالت : وين المطبخ ؟؟

ودخلت العمه وصلحت قهوه وبدت هي تصب للركاب .. والجميع يشيد بمهارتها في تصليح القهوه.. وعينتها كارول : سفيرة الكليجا الحسنة


هبطة الطيارة في مطار بيروت الدولي ...........

_ _ _ _ _ * _ _ _ _ * _ _ _ _ _ *_ _ _ _ _

حصه: هااااو هيله منهي ذي اللي متعنقطه بيدتس؟!

هيله: هذي صديقتي اللولي .. تعرفت عليها بالدرجه الاولى ...

منيره: هااااو ماشاءالله ووش موديتس هناك بالدرجه الاولى ؟!

هيله : اووووف لاتحتكين يالله انزلي وانتي ساكته


نزلو البنات ومعهم كارول ...

كارول : لا مابيصير هيك تروحوا من غير ماضيفكوون عندي!!

هيله : معليش خليه مره ثانيه رقمتس وعندي اذا بغينا دقينا ..

كارول: اوكي حبيبتي بس هاااه لاتنسي بدي تنكتين كليجا منك !

<<خربت الحرررررمه ههههه...

وحصه ومناير: ههههههههههههههه والله ياانتي ماقصرتي مع الحرمه !!

_ _ _ _* _ _ _ *_ _ _ _*_ _ _ _*_ _ _ _

وصلوا للأوتيل وكل وحده اخذت لها سرير ونامووووووا وكل وحده تحلم ببكره وين بتروح ووش راح تسوي في أول صبااح بيرووتي ...قامت حصه كالعاده وصحت الاميرتين الصغيرتين ....

ودقت هيله على الرسبشن reception:

_ الووووووو.. لو سمحت نبي فطوور الله لايهينك ..

_ ايه من عيوووني مدام .. شو مابدك أولي ..

_ لا مهوب من عيونك من المطبخ هههههههاااااي

(((( حصه تناظر هيله بنص عين ))))

_ هههههههههوالله دمك عسل .

_ ادري .. المهم نبي فطووور.

_ شوبدك تفطري ؟!

_ وش عندكم ؟!

_ عنا....

Breakfast.... american

Italian breakfast...eeastern breakfast

انتي اختاري مابدالك وحنا نضمن لك الجوده والطعم الحلووو...

_ والله مدري وش تقووول مير نبي ان تسال عندك فوول وخبز حاار وشاهي ..؟!

_ باردووون؟!

_ هههههههه لا حرووووون حتى انت ؟!..

_ سوووري مس هيله بس انا مابقدر افهم شو اصدك ؟!!

_ مس؟! مس ولا 0مغرفه؟! اقووول مسك جني عطنا احد يعرف عربي ؟!!

_ يييييي 00000انا عم بحكي عربي بس انتي اللي عم تحكي برتغالي !!

_ برتغالي يلووون جلدك قل أمين ..

_ سووري مس.. ازا بدك انزلي واختاري لك فطووورك .. عنا بوفيه مفتوح..

_ ومتى يصك...؟! خخخخخخخخخthanks for calling

طرااااااخ<< طبعا ماارتفع ضغطه المسكين ..

_ _ _ _ * _ _ _ _ * _ _ _ _

منيره: هاااه هيله وش صار على الفطور..؟!

هيله: يقول انزلوا تحت واختاروا للي تبون فطوور...

حصه: ازين بعد عشان ناكل اللي نبي ...

ونزلت السندريلا هيله وخواته للوبي تحت...

هيله بعد ان فغرت فمها :طاعوووووووووووووشته شوووفي الاكل اذا قالول اكل .. اجل حنا فووول وخبز حار .. لا وبصحون بلاستك .. بعد !!

حصه:اييييه هذا العز ... يالله بس .. خلونا نفطر وناخذ لنا طاوله ..

منيره: وه بس كلن يناظر .. لو مخليننا نشيل عباياتنا كان احسن ..

حصه: اقول انثبري ..من زين وجهكن الحين عشان تكشفوون؟!

هيله: اقووول اوووص ابختار انا هذيك الطاوله تهبل.. على الشارع .. ناكل ونقزقز هع هع هع ...

وراحت مناير واخذت لها فطور محترم ونعوووم.. وهيله بيده صحنين وماخلت شي ماحطت منه ؟!

منيره: هيله انتي وش ذا؟! بتاكلين كل هذا..؟!

هيله: لا موب لازم اكله كله ..يختي دافعين فيه فلوووس .. لو احطه بالقمام ماخليتهم يتهنون به!!

منيره: الحصي.. وش بلاتس؟! وراه مااخذتي فطور؟!

حصه: ماابي شي بي مر بتسبدي .. مدري وش انا ماكله !!

هيله: لا والله حنيتي للكراااااث ههههههههههه

الجزء الثاني وخلص....

انتظرو الجزء الثالث.......
الرجوع الى أعلى الصفحة اذهب الى الأسفل
https://teef-z.yoo7.com
 
قصيميات في لبنان اضححك لين تفطس
الرجوع الى أعلى الصفحة 
صفحة 1 من اصل 1
 مواضيع مماثلة
-
» حلى يالي لبنان

صلاحيات هذا المنتدى:لاتستطيع الرد على المواضيع في هذا المنتدى
منتدى طيف الزهراني الرسمي :: || عآلمنا :: ✖ أي حكايةة ً س تكَون ✖-
انتقل الى: