....... وعلى صعيد اخر وصلتنا انباء من مصدر مسؤول عن ارتفاع غير مسبوق في اسعار البتنجان ..
مما ادى الى رفع القيمة الاسمية لأسهم شركة بتنجانكو للمحشي المسبّك.. معنا من حلقة الخضار مراسلتنا خوخة الفكهاني ..
خوخة بماذا تصفين ما يحدث.. نعم اخي جزرة .. الوضع هنا غير طبيعي في حلة المحشي هناك عمليات بيع عشوائية وشراء مجنون للاسهم وقد ....
__________________
إنشاالله إستمتعتو مع أخبار الفاكهة والخضار..خخخخخخ
المووهيييم
بمناسبة الامتحانات حابه اهون ع الناس الرعب اللي هم فيه ..
*_*
وراح احكيلكم عن اساليب وضع الامتحانات عشان اطمنكم على مستقبلكم وراح تكون
تحت شعار "برااافو .. لم ينجح احد " <<خخخخخخخخخخ عنوان مطمئن صح
يلا نبدأ
-الاستاذ زعبلاوي:هااه يا باشا حطيت الاسئلة ولا لسه؟
-الاستاذ عبدالسميع:ايوه يا سيدي اسمع اسسمع ..
السؤال الاول : كيف استطاع البارودي بما يملك من وسائل تعبير
أن يعبر عما يجيش في صدره تجاه شرور واطماع الخديوي؟؟
-يا نهار اسود ..!!!
-في ايييه ؟؟
-انت جايب للعيال سؤال من المنهج .. من المقرر كده عادي ؟؟!!!
-آه .. بس سدقني دا صعب وشرفك!!
-صعب مييييين .. دي عيال بتزاكر يا عم .. هيجاوبوه ويجاوبوا ابوه كمان .. العيال كده ممكن تنجح يا عبد السميع!!
-فال الله ولا فال يا شيخ .. تف من بقك!!
-يبقى تسمع الكلام يا عبد السميع وتشطب السؤال دا خالص .. وتحط بداله سؤال من خارج المقرر.
-خلاص ولا يهمك .. هاجيبلهم سؤال من مقرر العربي بتاع اولى جامعه .. بدل من مقررهم بتاع اولى ثنوي .
-لأ طبعا يا عبد السميع هيجاوبوه برضو .. انت تحطلهم سؤال من خارج مقررات العربي
خالص !!!
- ازاي يعني الكلام دا يا زعبلاوي بس !!
- زي ما بقولك كده .. تحطه من مقرر الجغرافيا .
-اسئلة العربي من مقرر الجغرافيا يا زعبلاوي؟؟!!
- ايوة .. والرياضيات من مقرر الانجليزي.
-طب واسئلة الانجليزي؟؟!
-من مقرر العلوم .
*وبدأ عبد السميع يفهم اللعبة بتاعت زعبلاوي وعينيه لمعت لمعة شريرة وقال :
-دا انت طلعت داهية يا زعبلاوي .. زعبلاوي دا ايه دا انت سبع بلاوي.
-اكسفتم تواضعنا يا استاذ عبد السميع .. ايوة امال هيبقا امتحان ازاي لما العيال تلاقيه من المنهج وتعرف تحل .. احنا مبنعملش غير الواجب .
وكله تحت شعار ( يوم الامتحان .. يـُضرب المرء أو يُـهان) خخخخخخخخ
تم وضع الاسئلة بالاسلوب المتفق عليه ووزعت الامتحانات على مختلف اللجان ثم تقابل الشيطانـ...أقصد المدرسان..
-زعبلاوي :هااه ايه الاخبار؟
-عبد السميع :اتطمن يا باشا .. لم ينجح احد.(بينه وبين نفسه .. أحمدك يا رب)
-شفت .. ان الله لا يضيع اجر من احسن عملا... هااا طمنني حطيت امتحان الفرنسي ولا لسه .
-لااا اطمنك .. حطيت امتحان انما ايه .. كارثة !!
-اطربني اشجيني سمعني كده يا عبد السميع .
-يطلع عبد السميع الورقة ويبدأ يقرا .. (في غضون السنوات القادمة لن يكون هناك فيما نرى عالم ثالث بالقوالب المعهودة ...
يقاطعه زعبلاوي ويقول : بلاش "بالقوالب المعهودة" دي ..
خليها بالقوالب التي عهدنا ان نراه بها في العقود السافلـ.. اقصد السالفة )
-يعدلها عبد السميع ويقولله: الله عليك غرد .. غرد واطربني يا تسع بلاوي.
-كمل انت كده اشوف الباقي
-(فلسوف يتشابك ضمور أثر التحول النفطي مع اندفاع الطفرة التكنولوجية .. وانهيار التجربة الشيوعية ..
وتعاظم تحدي الابقاء على النوع وصيانة الحياة الانسانية في مواجهة نضوب موارد الطاقة والانفجار السكاني..
وتزايد القهر العسكري مما يؤثر في المعيار التاريخي الذي ....)
-هنا بقا ميقدرش زعبلاوي ويهتف والدموع في عينيه من التأثر(الله اكبر .. اهو كده يا عبد السمييييع الله اكببررررر)
عاوز تقولي انه العيال مطلوب منهم يترجموا القطعة دي من العربي لفرنساوي..
-دا المفروض كده سعادتك.
-هأووووو .. لما يبقوا يعرفوا يترجموها عرب الأول.خخخخخخخخخخخ
طبعا بعد الشلل دا كله والاسئلة المريعة دي .. وحالات الانهيار العصبي بين الطلاب والطالبات .. وارتفاع نسبة الانتحار بين الشباب في الثنوية ...
تثور ثائرة اولياء الامور ويطالبوا بوقف هذه المهزلة والتحقيق قانونيا مع المسؤول عنها ..
فتقوم القيادة السياسية بالتحقيق مع زعبلاوي وعبد السميع ووضعهم في لجان امتحان خاصة ومطالبتهم بحل نفس الاسئلة اللي بيحطوها للطلاب << لغة عربية في التوهااااااااان
-زعبلاوي بيعييط .. الامتحان صعب أوي يا عبد السميع .
-عبد السميع بيرتجف من الرعب .. هوا احنا بنحط الاسئلة عشان نجاوبهااا..
وطبعا الاتنين بيرسبوا بالامتحان ..
ولكن مع التحقيق والتمحيص عن الاسباب الكامنة وراء هذه الاسئلة التعجيزية ..
تدرك الوزارة الهدف النبيل من وراء تصرفات زعبلاوي وعبد السميع ...
وانه غايتهم تقليل اعداد المتخرجين بترسيب الطلاب ..
لانه بكل بساطة مفيش وظايف .. يعني نخليهم في المدرسة ولا يقولوا عندنا اكبر نسبة عواطلية .. خخخخخ
فيفرج عن المدرسين بضمان الحس الوطني الغيور على الشعب ..
ويتقرر انشاء ادارة جديدة تحت اشرافهم ..تتخصص في وضع امتحانات جميع المواد تحت اسم(الادارة العامة لتعجيز التلاميذ)
شو رائيكون بهيك إداره ههههه
*.ملتوووش لتشه محترمه.*
إنشاالله أكون طمنتكم^_^
مع تمنياتي لكم بإمتحانات سعيده هع
