صعبة على الإنسان يعطي وماياخذ << بداية حلوة كملي كملي
ماياخذ مثل مايعطي ..! << ليش سكتي كملي بس
حددنا المشكلة ونبي الحل ..!
الحل .؟
لازم للحل حدود ومقاييس نحدد بها حدود المشكلة اللي عندنا ..!
عندنا .؟
عندنا مشكلة تحتاج لحل بحدود ومقاييس ..!
حدود ومقاييس ..؟
الحدود والمقاييس هذي لازم تكون مناسبة لجميع أطراف المشكلة ..!
اقول لاتشرهون ترا الاختبارات وخلصتها ومذاكرة وسهر طول الليل انتهى الحمد لله حمداً كثيراً طيباً مباركاً فيه ... أما بعد : << خلصت المقدمة على خير
هذا يا حبايب يوم اني أناظر لأبوي الكريم وحنا نسولف ونتفرج بنفس الوقت على برنامج " عالم الحيوانات المتوحشة " نسولف عن هواشة صارت لأبوي يوم انسرق بوكه ..يقول رحت للمخبز والله وتركت سيارتي مفتوحه وفيها البوك وارجع إلا والقى هندي شافطن بوكي وكرتون مناديل من اللي يوزعونها بالمحطة ببلاش والحقه والحقه والحقه وأطيح على وجهي ولاقدرت ألحقه ابن التسلـبة <<<<<أبوي متحمس يوم يحكي لي الموقف..
المهم وهو يجر أطراف الحديث مني وأنا أجرها منه إلا وأخطف التلفزيون بمشهد أسد يفترس أرنب إلا وأبقق عيوني وآآشر أقول بصوت عااااااااااااالي << لا لا مرتفع مرتفع
" أرنااااااااااااااااااااااااااااااااااااااااااااااا ااااااااااااااااااااب " << يعني أرنب بصوت مرتفع
شوي مدري إلا وأبوي لافحني كف من أثره فتح بوجهي شوارع << قالو لتس أبوتس يشتغل بالبلدية
وناظر لي بعيونه وقال : أنا تسذاب ياللي ماتستحين هالحين احكي لتس القصة وتقولين لي أرنب
>>>>ماتلاحظون دااايم تنصك كف على خشتها
المهم أنا سويت عزة نفس وقمت من عنده وقلت : مهما صار أنا بنتك صكني كفوف مثل ماتبي وسفلت الشوارع اللي تفتحها بوجهي << <<<<<أم اللكاعه من بعدتس
" طبعا بهالموقف مانزلت دمعة مني لأني متعوده دااااايم(ن) "
فكرت مراراً وتكراراً لحل هالمشكلة المنبثقة من أسوار البيت اللي كل من هب ودب صكني كف بطريقة.. حرام وربي كذا تشتيت لحقوق المراهقين والطلاب المنتهين .. أمثالي
مالقيت إلا حلـ واحد
إني انحاش من البيت << انتي عاد ماتصدقين
بهالحلـ البسيط والسريع أحل مشكلة المصاريف على أبوي وفواتير النت والأكل على أهلي وأوفر على أخواتي سرقة الملابس من دواليبهم السرقة العلنية وأريح أخوي من روحة البقالة كل يوم يجيب لي موسي توت وكيندر البيضة
وأفك ابوي من مشكلة التسنتر على الدش ومنعه المنع البات من الجزيرة والاخباريه
المهم تمت الموافقة على فكرتي المنعولة الوالدين من قِبل أعصاب مخي والمخ العصبي المركزي << رئيس كبار أعضاء هيئة التفكير
والمخ العصبي الفرعي << داخلن بالعرض مال أمه أهله داعي
المخ القفوي << ولد جارهم
المخيخ << توه مولود جعله يتربى في عزهم
النخاع الشوكي في العمود الفقري << هذا أبو الشباب
وجاء تنفيذ الخطة في ليلة الإثنين بعد خروجي من المدرسة مباشرة << منحاشة بالمريولـ ..!
خرجت وتمشيت بشوارع حينا بعد حيي
وصدفة لقيت بيت يشبه بيتنا
وسبحان الله طلع هو بعد التحليل والتقريب والتبعيد
<<<<<< يحق لها ماتشوف واجهة البيت منثبرة بالغرفة ولاتشم الهوا
عاد تعرفون إختكم الكريمه اللي هي انا إنها نعسانه وبها نوم قد شعر راسها ..
قلت أنا الله يحفظني خلني أدخل البيت وأنحاش بالليل << <<<<<مستسهلة الوضع
دخلت البيت لقيتهم يتغدون جعلهم للــي ماني بقايلة بس وأبوي بينهم مرتز جعله يرتز بالجنة
ناظرت له وأنا مقرفصة عيوني وقلت : السلآآآآآآآآآآآآآآآآآآآآم عليكم ( خشة صعيدي ماسك شنباته)
مارد علي
قلت الله يجزاك خير << <<<مو منتس من اللي بتسوينه آخر الليل
دخلت غرفتي وصكيت الباب بقوة وطاح قدامي صريع << <<<<<<<<<<اللي هو الباب طبعا
وجا الليل
والساعة فيذاك الوقت تشير إلى الواحدة حكم
قمت وتلطمت بطرحتي << كنت ناوية بشماغ بس التعصب له دور
ولبست عباتي وشوي وإختي تصحى من النوم تقول سبحان الله إختي عكس العالم تلبس العباة بآخر الليل وين رايحة لايكون بتروحين تسلمين على الجن اللي بالشوارع يتسكعون .. ورجعت نامت
طنشوها ولا عليكم منها دام عندها إخت مثلي لا تهتمون
المهم ناظرت من الشباك عالحوش مافي أي نفــر ..! << ياغل قلبي غلاه لو تسان بوه نفر كان انحلت الشغله
نطلت حبل(ن) من عاشر دور للدور الأرضي إلا وأنا انزلق برشاقتي اللامحدودة بكل سهولة وبراءة مفعمة بالحيوية <<
وصلت للسيب اللي يوصل لباب الشارع
( موسيقى بنك بانثر في آخر الليل )
سمعت صوت خبط ولزق وراي أناظر إلا وهي قطوة حامل تناظر لي قلت هيه إنتي وش عندتس تناظرين روحي لمستشفى النسا والولادة أصرف لتس
ويوم شافتني أكلمها قالت أكيد هذي مخبولة خلني أنحاش<< مادرت عني
وانحاشت بنت التلـسب من فوق البرميل وهي تسحب ببطنها << قطوة وبنت تسلــب ماتنفع صح ؟! خل نغير على بنت التسلــبة لأنها تسلـبة يوم(ن) طلعت أصوات مزعجة قد تؤدي لتقويم أبوي من نومة والحارس من أحلامة
المهم كملت طريقي للمستقبل خطوة خطوة وأتذكر في هذه اللحظة المثل اللي يقول مشوار الألف ميل يبدا بخطوة كود إني بنحاش وهذي أهم خطوة للمستقبل
وأنا في تكميلي لخطواتي التاريخية إلا وأبوي وراي << شلون قام مدري وماسك(ن) عصاة مدري من وين جايبها شكله تسلفها من اللي يشوفهم بأحلامه ويقول : وين وين وين خذينا معتس << أنا أقول لمن طلعت ملكعة
ويمرخني بتسف(ن) ثاني فتح على إثره مخططات ومشاريع سياحية وفنادق ومطاعم بوجهي اللي صار مدينة لاتوصف من الجمـال الخلاّب والطبيعة الساحرة والشواطئ المليئة بالبنات المحتشمات ..
وكل ذلك وأكثر بس من التســف
The End
كنتم مع الزين نجدي المنحبسة بغرفتها واللي ماتعرف المطبخ وين طريقه ...>>>دموعها على خديداتها
الإهداءات
الى إبوي العزيز : لو إنك ماصكيتني تسف ماكان شفت اللي شفته
إلى اختي الـ ... : نعلبو شكلتس أنا متوكدة إنه انتي اللي علمتي أبوي علي
إلى القطوة الحامل
: هاه بشري ولدتي جعلتس تجيبين سبع مثل الأرنب
طم بق طع بم
يلا عاد بسكم خلاص ماظل شي هع هع
انتظروا جدينا القادم باذن الله
طحياطي
